5 Ghanaian Musicians Wey Get Only One Hit Song For Dema Career Inside

thumbnail

Some Ghanaian musicians dey drop hit after hit, others too get only one hit song. We dey give you 5 musicians wey get only one hit song for dema career inside.

ZIGI

Lynx Entertainment artsite Zigi come spoil the airwaves for September 2010 inside plus ein song “You Say Weytin”. The song go viral after some few weeks dem release am.

zigi ghanaian musicians

Nah Zigi dey level 200 for Legon the time he release the song.

After “You Say Weytin”, Zigi come loss kraa. He comot some songs after but e no catch fire like the way “You Say Weytin” catch fire.

He do remix give the song, he feature Gasmilla then Kofi Kinaata but e fall water inside.

ALSO READ: KULA, THE 2019 VGMA UNSUNG WINNER

D-CHRYME

As D-Chryme drop “Kill Me Shy” for 2011 inside, we no bed for Ghana here.
“Kill Me Shy” make D-Chryme one of the artiste everybro want make he come play show.

d cryme ghanaian musicians

The song get massive airplay wey D-Chryme play plenty shows.

After this song, he release plenty songs but none come make hit like “Kill Me Shy”.

ATOM

Who wey no nod ein head or boogie as he/she hear “Yewo Krom” as this song comot for 2015 inside?

atom ghanaian musicians

This song sef be cover give Gasmilla ein “Telemo”. Dem even play am for Apple dema Developers Conference.

Atom.take this song win VGMA Best Hiplife Song for 2016 Inside.

After this song, Atom no really hit form again.

NANA BOROO

As Nana Boroo release “Aha Yede”, dem play am for radio stations then pubs pass. He play almost all the big shows for Ghana here saa he make popular.

nana boroo ghanaians musicians

He try release many songs make he take get ein name again but e never source.

ALSO LISTEN: NDEE MUSIC

EBO’O

For 2006 inside, Ebo’o release reggae song “Once Twice”. E come turn popular song as e get massive airplay.

eboo ghana musicians

He come make popular as the song come make favourite song give many people. He san play many concerts.

Since then, he no release any song wey hit again.

Eno bi we wey talk oo… ibi dema own career, if you feel sey we dey lie den go ask dem. You go fi vybe plus us on wanna Facebook Page or drop your comments in the chat box.

Free Spirited Writer

Leave a Reply

Your email address will not be published. Required fields are marked *

Back To Top